Яңы йыл – иң яратҡан, изге, әкиәт байрамы

Яңы йыл – һәр йортта, ғаиләлә көтөп алынған иң яратҡан, изге, әкиәт байрамы. Шуға күрә яңы йыл байрамдарын балалар баҡсаһында үткәреүгә айырыуса иғтибар бүленә. Байрам алдынан әҙерлек эштәре күп. Беҙ (тәрбиәселәр) балалар менән шиғырҙар өйрәндек, Яңы йыл, яңы йыл йолалары темаларына әңгәмә ҡорҙоҡ, музыкаль етәксе тәрбиәләнеүселәр менән йыр-бейеүҙәр өйрәнде. Музыка залын биҙәү буйынса ҙур эш башҡарыла. Залдың уртаһында ҡупшы шыршы ялтырай. Тамаша башланғандан алып әкиәт геройҙары балаларҙы тылсымлы әкиәт донъяһына саҡырҙы. Балалар мажараларға сумды, ҡыҙыҡлы конкурстарҙа ҡатнашты. Ҡыш бабай килгәс, йыр-бейеүҙәр, шыршы тирәләй әйлән-бәйлән уйнау менән ысын байрам башланды. Тамашанан һуң балалар Ҡыш бабайға һәм Ҡарһылыуға шиғырҙар һөйләне, фотоға төштө