Минең педагогик табышым булып  Николай Веракса һәм Александр Веракса авторҙарының «Әкиәт уйнайыбыҙ» технологияһы тора.

 Беҙҙең балалар баҡсаһы 2017-2020 йылдарҙа «Федераль дәүләт белем биреү стандарттарын тормошҡа ашырыу шарттарында мәктәпкәсә йәштәге балаларҙың бәйләнешле телмәрен үҫтереү инструменты булараҡ заманса белем биреү технологиялары» ҡулланыу буйынса  инновацион майҙансыҡ булып торҙо. Ошо инновацион майҙансыҡта беҙ Николай Веракса һәм Александр Веракса авторҙарының «Әкиәт уйнайыбыҙ» технологияһы  менән яҡындан таныштыҡ. Инновацион майҙансыҡтың етәксеһе булып Гасанова Рида Хәниф ҡыҙы булды.

   Мәктәпкәсә йәштәге балаларҙың бәйләнешле телмәрен үҫтереүҙә, һүҙлек запасын байытыуҙа, һүҙбәйләнештәр төҙөүҙә, фекерләү ҡеүәһен, логик  фекерләүен  үҫтереүҙә  әкиәттәр ярҙамға килә. (әкиәттәрҙең йоҡонтоһо бихисап).

    Хәҙерге ваҡытта кескәйҙәрҙе  әкиәттәр менән таныштырыу, халыҡ ижадына  ҡыҙыҡһыныу уятыу өсөн заман талаптарына тап килгән технологиялар бик күп.

Шундай технологияларҙың береһе булып  Николай Веракса һәм Александр Веракса авторҙарының «Әкиәт уйнайыҡ» технологияһы  булып тора.

 Бөгөнгө көндә Н.Вераксаның һәм А.Вераксаның технологияһы буйынса “Шалҡан”, “Өс айыу”, “Тирмәкәй”, ”Өс сусҡа балаһы” рус халыҡ әкиәттәренә күрғәҙмә-дидактик материалдар һәм әсбәптәр сығарылған, улар тәрбиәселәр араһында киң ҡулланыла.

«Әкиәт уйнайбыҙ» технологияһының уҡытыу-методик ҡулланмаһына таянып кескәйҙәрҙе башҡорт халыҡ әкиәттәре менән дә таныштырам. Ошо технология таянып “Эш табылды”, “Кем көслө?”, “Эт үҙенә нисек хужа тапҡан” башҡорт халыҡ әкиәттәренә ике телдә күрғәҙмә-дидактик материалдар һәм методик ҡулланма сығарҙым.